Belarusda, Polotsk vilayətində göyərtəsində silah olan II Dünya Müharibəsindən qalma təyyarə aşkar edilib.
SİA-nın Belarus saytlarına istinadən yazdığına görə, bu barədə Polotsk vilayət icraiyyə komitəsinin sədri İqor Markoviç məlumat verib. Rayon rəhbərinin sözlərinə görə, adi belaruslu təyyarəni tapıb və “səlahiyyətli orqanlara” məlumat verib.
5530 saylı hərbi hissənin axtarış qrupu kəşf edilən yerdə işləyəcək.
Tədqiqatçılar tapılan obyektlərin "Zvezdoçka" partizan əməliyyatı (1943-cü ilin noyabrı - 11 aprel 1944-cü il) ilə bağlı ola biləcəyini irəli sürürlər.
Bunu “info214.by” yazır.
Buraya Polotsk uşaq evindən 200 uşağın Polotsk vilayətindəki Belçitsa kəndində partizanların nəzarətində olan əraziyə köçürülməsi daxildir.
2022-ci ildə Polotsk vilayətində cəbhə xəttində dalğıc bombardmançısının qəzaya uğradığı yerdə qazıntılar artıq aparılıb.
1944-cü ildə Mateikovo kəndi yaxınlığında qəzaya uğrayan təyyarənin qalıqlarını “Hərbi Şöhrət Skautları” dəstəsi aşkar edib.
Nazlı Almuradova