...Rusiyanın keçmiş baş naziri Sergey Stepaşin İosif Stalinin Böyük Vətən Müharibəsi ərəfəsində Ukraynanın qərb hissəsini SSRİ-yə birləşdirməkdəki səhvi adlandırıb.
SİA TASS-a istinadən xəbər verir ki, bu barədə o, Yalta konfransının 80 illiyi şərəfinə keçirilən tədbirlərdə bildirib.
...Bir hərbçi kimi demək istəyirəm ki, mənim nöqteyi-nəzərimdən ən böyük səhvi Stalin edib. Bu, Qərbi Ukraynanın ilhaqıdır, - Stepaşin bildirib.
Rusiyanın keçmiş baş naziri öz nöqteyi-nəzərini əsaslandıraraq bildirib ki, birincisi, o vaxta qədər ölkə yeni müdafiə xətti yarada bilməyib, ikincisi, qərbi ukraynalıların 90 faizi “çevrilmişdir”.
...Bu infeksiya sonra Kiyevə gəldi, Odessaya gəldi, insanları yandırdı, Xarkova gəldi.
Bunu Stepaşin bildirib.
Bundan əvvəl Federal Təhlükəsizlik Xidməti anti-Hitler koalisiyasına daxil olan ölkələrin liderlərinin iştirak etdiyi Yalta konfransının 80 illiyinə həsr olunmuş arxiv sənədlərinin məxfiliyini ləğv edib.
İosif Stalin, ABŞ prezidenti Franklin Ruzvelt və baş nazir Uinston Çörçill arasında tarixi görüş 1945-ci ilin fevralında Krımda baş tutub.
Əli Babayev