Siciliyaya 4 saata aylıq normadan çox yağıntı düşüb

3 Fevral 2025 03:44 (UTC+04:00)

İtaliyanın Siciliya adasına 4 saat ərzində 150 millimetrdən çox yağıntı düşüb. SİA xəbər verir ki, bu həcm adanın aylıq normasını üstələyir. Aramsız leysan nəticəsində yaranan sel və palçıq kütləsi avtomobilləri yuyub aparıb. Xilasedicilər zərəçəkənləri xilas etmək üçün rezin qayıqlardan istifadə ediblər.

Avtomobillərə və yol təsərrüfatına ciddi ziyan dəysə də, sakinlər arasında ölən və itkin düşən yoxdur.

Oxşar vəziyyət Kalabriya regionunda da müşahidə olunub.