Basketbol üzrə Azərbaycan Kubokunda 1/8 final mərhələsinin daha bir görüşü reallaşıb. SİA-nın məlumatına görə, ikinci oyun günündə "Gəncə" "Ordu" kollektivi ilə qarşılaşıb.
Qarşılaşma qərb təmsilçisinin 81:62 hesablı qələbəsi ilə yekunlaşıb. Halil Atlının yetirmələri 1/4 finalda "Sərhədçi" ilə üz-üzə gələcək.
Günün ikinci duelində "Sumqayıt" "Neftçi" ilə münasibətlərinə aydınlıq gətirəcək. Matç saat 19:00-da start götürəcək.
Qeyd edək ki, ötən gün "Abşeron" "Quba"nı (96:94), NTD "Lənkəran"ı (87:73) məğlub edib. "Naxçıvan", "Sabah", "Sərhədçi" və "Şəki" komandaları mübarizəyə 1/4 finaldan start verəcəklər.