Sumqayıt şəhərində səhər saat 8:00-dan etibarən, bələdiyyə seçkiləri üzrə səsverməyə start verilib. SİA-nın məlumatına görə, səsvermədə seçici fəallığı müşahidə olunur.
Sumqayıt şəhəri üzrə ümumilikdə 272 min 474 seçici səsvermə hüququna malikdir. Onlardan 1841-i ilk dəfə səs verəcək. Həmçinin 80-100 yaşlı seçicilərin sayı 3 min 593, yaşı 100-dən yuxarı olanların sayı sə 1-dir. Sumqayıtda 6 dairə üzrə 210 məntəqə var.
Qeyd edək ki, səsvermə saat 19:00-a qədər davam edəcək.
Seçkilər ölkə ərazisindəki 118 seçki dairəsini əhatə edən 5 min 846 məntəqədə keçirilir. 685 bələdiyyənin 8 min 71 üzvü üçün 16 min 92 namizəd mübarizə aparır.
Mərkəzi Seçki Komissiyasının (MSK) məlumatına əsasən, bələdiyyə seçkilərində səsvermə hüququ olan 5 milyon 961 min 987 seçici var.