AzEdu Təhsil Portalı ötən ilin "Örnək Müəllimlər"inin siyahısını hazırlayıb. SİA xəbər verir ki, bir neçə ildir ölkə üzrə aktiv və nümunəvi fəaliyyətləri ilə fərqlənən müəllimləri daha geniş ictimaiyyətə tanıtmaq məqsədilə həyata keçirilən layihə çərçivəsində portalda "Örnək Müəllimlər" adlı xüsusi bölmə yaradılıb.
Həmin bölmədə modern tədris metodları tətbiq edən, təhsilalanların intellektual inkişafına mühüm töhfələr verən və müəllimlərin işə qəbulu, sertifikasiya imtahanlarından yüksək nəticə əldə etmiş müəllimlər yer alıb.
Bu il ilk dəfə Naxçıvan Muxtar Respublikasının 20 müəllimi “Örnək müəllim” siyahısına daxil olub.
Bakı üzrə xüsusi fəaliyyəti ilə seçilən 30, regionlar üzrə 10, Naxçıvandan isə 20 təhsilverən keçən ilin “Örnək müəllim”i adına layiq görülüb.
Qeyd edək ki, "Örnək Müəllimlər"inin siyahısında 170 müəllim adı yer alıb.