Rusiyanın Ukraynaya raket hücumu nəticəsində 1 nəfər ölüb, 25 nəfər yaralanıb. SİA xarici KİV-ə istinadən xəbər verir ki, Rusiya Ukraynanın Zaporojya şəhərinə PUA və raket zərbəsi endirib. Zaporojya vilayətinin qubernatoru İvan Fedorov açıqlamasında bildirib ki, raket hücumu nəticəsində 47 yaşlı bir nəfər ölüb, 25 nəfər yaralanıb. Xəsarət alanlar arasında 2 aylıq körpənin də olduğunu qeyd edən Fedorov, hücum zamanı yaşayış binalarının zərər gördüyünü bildirib.
Gecə boyu həyata keçirilən hava hücumları nəticəsində 20 mindən çox insanın işıqsız qaldığını, 17 min insanın isə istilik xidməti ala bilmədiyini bildirən Fedorov, bir enerji obyektinin yararsız hala düşdüyünü bildirib.