Bu gün UEFA Avropa Liqasında 7-ci turun daha bir oyunu keçiriləcək. SİA xəbər verir ki, "Beşiktaş" İspaniya təmsilçisi "Atletik"i qəbul edəcək. Bu, "ağ-qaralar"ın yeni baş məşqçisi Ole Qunnar Sulşerin debüt oyunu olacaq. Qarşılaşma saat 19:30-da start götürəcək.
İstanbul klubu 6 xalla 28-ci, bilbaolular isə 16 xalla 2-ci pillədə qərarlaşıb.
Qeyd edək ki, turun ilk matçı ötən gün baş tutub. Türkiyənin digər təmsilçisi "Qalatasaray" "Dinamo" (Kiyev) ilə heç-heçə edib - 3:3. 7-ci turun digər matçları yanvarın 23-də baş tutacaq.