Qlobal internet televiziya şəbəkəsi "Netflix"in abunəçilərinin sayı 2024-cü ilin dördüncü rübündə 18,9 milyon nəfər artıb. SİA xarici KİV-ə istinadən xəbər verir ki, "Netflix" 2024-cü ilin son rübü üçün balans hesabatını açıqlayıb. Buna görə şirkətin keçən ilin dördüncü rübündəki gəliri əvvəlki ilin eyni dövrünə görə yüzdə 16 artaraq 10,2 milyard dollara çatıb. Şirkətin gəliri 2023-cü ilin eyni dövründə 8,8 milyard dollar olaraq qeydə alınıb. Şirkətin xalis mənfəəti ötən ilin son rübündə 1,9 milyard dollar olaraq qeyd edilib. "Netflix"in 2023-cü ilin dördüncü rübündə xalis mənfəəti 938 milyon dollar olaraq hesablanıb.
Şirkətin bir səhm üzrə mənfəəti həmin dövrdə 2,11 dollardan 4,27 dollara yüksəlib. Keçən ilin son rübündə "Netflix"in abunəçi sayı 18,9 milyon artsa da, bu dəyər şirkətin dörddəbirdə gördüyü ən yüksək abunəçi artımı olub. Şirkətin dünya üzrə abunəçilərinin sayı illik 15,9 faiz artaraq 301,6 milyon nəfərə çatıb. "Netflix", investisiya etmək üçün abunəçilərindən zaman-zaman daha çox pul ödəmələrini istəyəcəyini və bu məqsədlə bu gün ABŞ, Kanada, Portuqaliya və Argentinada əksər planlar üçün qiymətləri tənzimlədiyini ifadə edib.