...Alimlər sidik kisəsi xərçənginin evdə diaqnostikası üçün dəst hazırlayıblar. Erkən aşkar edildikdə, sidik kisəsi xərçəngi 90 faizdən çox sağalır.
SİA-nın xarici qaynaqlardan əldə etdiyi məlumata görə, Koreya Elm və Texnologiya İnstitutunun Qabaqcıl Biomolekulyar Tanıma Mərkəzinin alimləri Koreya Universiteti Tibb Kollecinin Urologiya Departamentinin komandası ilə birgə sidik kisəsi xərçəngi üçün evdə diaqnostika dəsti hazırlayıblar.
Bu, sidikdə biomarkerləri aşkar edə bilən test dəstidir. Üstəlik, sidik nümunələri ilkin emal tələb etmir. Bundan əlavə, dəst hematuriya kimi müdaxilələrdən təsirlənmir və biomarkerin dəqiq aşkarlanmasını təmin edərək siqnalı gücləndirir.
Bunu “News of the World of Innovations” portalı xəbər verir. Alimlər artıq 105 könüllü üzərində testlər keçirib, onlardan 80-nə sidik kisəsi xərçəngi diaqnozu qoyulub.
Qalan iştirakçılar sağlam olub. Diaqnostika dəstinin həssaslığı 88,8 faiz təşkil edib ki, bu da mövcud kommersiya testlərindən dörd dəfədən çox yüksəkdir, yəni cəmi 20 faiz....
Üstəlik, dəst hətta xərçəngin ilkin mərhələlərini də müəyyən etməyə imkan verib.
Əli Babayev