...Minsk Motosiklet və Velosiped Zavodu (MMVZ) müəssisənin modernləşdirilməsi nəticəsində iki il ərzində bəzi motosiklet modellərinin istehsalının lokallaşdırılması səviyyəsini 70-80 faizə çatdırıb.
SİA xəbər verir ki, bu barədə “av.by” məlumat yayıb.
Minsk motorlu nəqliyyat vasitələrinin ən populyar modeli ümumi satışların 58 faizini təşkil edən kiçik tutumlu Minsk D4 125 modelidir.
Bu məhsulun lokalizasiya səviyyəsi 70 faiz təşkil edir və alətlər paneli, fara, dönmə siqnalları, sükanın tutacaqları, oturacaq, plastik qablar, amortizatorlar və s. hamısı Belarus istehsalıdır.
Yaxın planlara hələlik mühərrik istehsalının mənimsənilməsi daxildir, D4 125 Çindən gətirilən 10,5 at gücündə iki vuruşlu mühərrikdən istifadə edir.
Bundan əlavə, MMVZ şirkəti 7 kVt (10 at gücü) mühərrikə malik, bir dəfə doldurmaqla 150 km məsafə qət edə və 100 km/saat sürətə çata bilən elektrik motosikl hazırlayıb.
Onun istehsalında lokallaşma səviyyəsi 80 faiz təşkil edəcək. 2024-cü ildə MMVZ 6 min motosiklet və 35 min velosiped istehsal edib.
İstehsalın lokallaşdırılması məsələsi 2022-ci ildə məhsulların lokallaşdırılmasının aşağı səviyyəsinə görə rəhbərliyi sərt şəkildə tənqid edən ölkə prezidenti Aleksandr Lukaşenkonun məşhur “danışması” müəssisə üçün əsas olub.
…Və tezliklə əvvəlki baş direktor Nikolay Ladutko istefa verib və Belarusdan gələn hissələrin payının artırılması məsələsi onu əvəz edən Sergey Manko tərəfindən qaldırılıb.
P.S:…Elə bil bununla heç 9 milyon da olmayan belaruslar bizə gözdağı vemək istəyirlər? Deyim, qoy eşitsinlər, bizim də İsmayıllıda velosiped zavodumuz var, hə indi nə olsun ki…
Nazlı Almuradova