Azərbaycan Səudiyyə Ərəbistanının "ACWA Power" şirkəti ilə həyata keçirilən birgə layihələri müzakirə edib. SİA xəbər verir ki, bu barədə iqtisadiyyat naziri Mikayıl Cabbarov "X" sosial şəbəkəsindəki hesabında bildirib.
“Prezident İlham Əliyevin Davos İqtisadi Forumunda iştirakı çərçivəsində "ACWA Power" şirkətinin baş icraçı direktoru Marko Arçelli ilə görüşməkdən məmnun olduq. Azərbaycanın enerji ekosistemində bərpa olunan enerji mənbələrinin payının artırılması, "ACWA Power" ilə reallaşdırılan təşəbbüslərin əhəmiyyəti və birgə həyata keçirilən layihələr barədə danışdıq”,- deyə nazir qeyd edib.