Basketbol üzrə Azərbaycan Kubokunda yeni mövsümün püşkü atılıb. SİA xəbər verir ki, tədbir Bakı İdman Sarayında keçirilib.
"Naxçıvan", "Sabah", "Sərhədçi" və "Şəki" komandaları mübarizəyə 1/4 finaldan start verəcəklər.
1/8 finalda "Sumqayıt" - "Neftçi", "Gəncə" - "Ordu", "Abşeron" - "Quba" və "Lənkəran" - NTD qarşılaşmaları gerçəkləşəcək. Bir görüşün nəticəsinə əsasən qələbə qazanan tərəf növbəti raunda yüksələcək.
Turnirə yanvarın 28-də start veriləcək.
Qeyd edək ki, ötən mövsüm Azərbaycan Kubokuna "Neftçi" sahib çıxıb.