Amerika Birləşmiş Ştatlarının (ABŞ) Kaliforniya ştatının San-Fransisko şəhərində Fələstinə dəstək aksiyası keçirilib. Nümayişçilər atəşkəs elan edildikdən sonra İsraildən işğala son qoymasını tələb ediblər.
Qəzzada atəşkəsin təmin edilməsi üçün əldə olunan razılaşmaya görə İranın paytaxtı Tehranda da aksiya keçirilib. SİA-nın məlumatına görə, paytaxtdakı Musalla məscidi ərazisində təşkil olunan aksiyada iştirakçılar İran və Fələstin bayraqlarını qaldırıb, ABŞ və İsrail əleyhinə şüarlar səsləndiriblər.
Yəmənin paytaxtı Sənanın Sebin meydanına toplaşan minlərlə adam Fələstinə dəstək nümayişi keçirib.
İndoneziyanın paytaxtı Cakartada isə İsrail və "Həmas" arasında əldə olunan atəşkəs razılaşmasından sonra yüzlərlə adam ABŞ səfirliyinin qarşısında nümayiş keçirib.