İsrail ordusunun Qəzza zolağının şimal və mərkəzi hissələrində həyata keçirdiyi hücumlarda 13 nəfər həyatını itirib. SİA xarici KİV-ə istinadən xəbər verir ki, Fələstinin rəsmi xəbər agentliyi "WAFA"nın məlumatına görə, İsrail döyüş təyyarələri Qəzza zolağının şimalında Qəzza şəhərinin Yarmuk rayonunda köçkün fələstinlilərin sığındığı Fərabi məktəbini bombalayıb.
Hücum nəticəsində 7 nəfər ölüb, çoxlu sayda insan yaralanıb. İsrail ordusu Qəzza zolağının mərkəzi hissələrində yerləşən Nusayrat Qaçqınlar Düşərgəsinin cənubunu vurub. Hücum nəticəsində 6 nəfər ölüb, 7 nəfər yaralanıb.