Moldova Energetika Nazirliyi xəbərdarlıq edib ki, enerji böhranı içində olan Dnestryanıda enerji sisteminin həddən artıq yüklənməsi səbəbindən onun tam sıradan çıxması riski var.
SİA “European Pravda”ya istinadən xəbər verir ki, bunu departamentin dövlət katibi Konstantin Borosan deyib.
Borosanın sözlərinə görə, Dnestryanıda Rusiya qazının tədarükü dayandırıldıqdan sonra qənaət cəhdlərinə baxmayaraq, elektrik enerjisi kəsiri artıq tələb olunan istehlakın təxminən 30 faizini təşkil edib.
Bununla yanaşı, Dnestryanıda maksimal yük 219 MVt, Moldavskaya QRES və Dubossar SES-in maksimal hasilatı isə cəmi 154 MVt təşkil edir
Bunu da Borosan əlavə edib.
…Bu çatışmazlıqların idarə edilməsi... istehlakçıların, küçələrin işıqlandırılmasının, su təchizatı sistemlərinin, sənaye zonalarının, kənd təsərrüfatı məhsullarının emalı zavodlarının və sairlərin söndürülməsi ilə həyata keçirilir. Kifayət qədər müştərinin əlaqəsi kəsilməsə, sistemin tam sıradan çıxması riski var, çünki Sol Sahildəki paylayıcı şəbəkələr həddindən artıq yüklənir.
Bunu dövlət katibi xəbərdarlıq kimi edib.
Əli Babayev