Kareliyanın Sortavala şəhərində kafe binasına məişət qazının partlaması nəticəsində xeyli ziyan dəyib.
SİA rus saytlarına istinadən xəbər verir ki, bu barədə vilayət prokurorluğunun məlumatında deyilir.
...İlkin məlumatlara görə, yanvarın 6-da Moskva vaxtı ilə saat 15:30 radələrində Sortavala şəhərinin Karelskaya küçəsində yerləşən qapalı iaşə obyektində məişət qazında partlayış baş verib, nəticədə bir nəfərin əli yanıb, - məlumatda deyilir.
Hadisə yerində şəhər prokuroru işləyir.
Nəzarət fəaliyyəti zamanı qaz avadanlıqlarından istifadə zamanı təhlükəsizlik tələblərinə riayət olunması qiymətləndiriləcək.
Yoxlamanın nəticələrinə əsasən prokurorluq tərəfindən cavab tədbirlərinin görülməsi məsələsi həll olunacaq.
Nazlı Almuradova