Amerika Birləşmiş Ştatlarında Çikaqodan Maui istiqamətində uçan təyyarənin təkər yuvasında cəsəd tapılıb.
SİA-nın məlumatına görə, çərşənbə axşamı günorta saatlarında Kahului Hava Limanına enən, “United Airlines” şirkətinə məxsus UA202 reysi üzrə uçan təyyarənin əsas eniş mexanizmlərinin təkər yuvasında bir cəsədin olduğu müəyyən edilib.
"Bu sahəyə yalnız təyyarənin xaricindən daxil olmaq mümkündür" deyə “United Airlines” açıqlama verərək cəsədin təkər yuvasına necə və ya nə vaxt daxil olduğunun hələlik müəyyən edilmədiyini bildirib.
Maui Polis İdarəsi hadisə ilə bağlı araşdırmaya başlayıb.