...“Oreşnik” orta mənzilli ballistik raketinin yaradılması raket və kosmik sahə üçün tarixi hadisə oldu.
SİA-nın məlumatına görə, bunu Rusiya prezidenti Vladimir Putin jurnalist Pavel Zarubinə müsahibəsində deyib.
...“Oreşnik” ilin hadisəsi deyil, bu, raket-kosmos sahəsində tarixi hadisədir. Heç vaxt belə bir şey olmayıb. İlk dəfədir ki, bu cür silahla belə hal baş verir, - deyə dövlət başçısı bildirib.
Putinin sözlərinə görə, o, raket sisteminin inkişafı ilə kifayət qədər dərindən məşğul olub və Müdafiə Nazirliyində onun istehsala buraxılması məsələsi yarananda prezident bunun üçün lazımi resursların ayrılması ilə bağlı birbaşa göstəriş verib.
…Və daha sonra “Oreşnik”in döyüş şəraitində sınaqdan keçirilməsi təşəbbüsünü dəstəkləyib.
…Dekabrın 19-da “İlin nəticələri” proqramı zamanı Rusiya Federasiyasının Prezidenti Qərb hərbi ekspertlərinin “Oreşnik”in hətta ilkin uçuş yolunda belə vurula biləcəyi ilə bağlı bəyanatlarına cavab verdi.
Rusiya lideri bir növ yüksək texnoloji duel kimi Rusiya və Qərb silahlarının iştirakı ilə eksperiment təklif edib.
…Qoy, onlar Kiyevdə məhv olmaq üçün hansısa hədəfi müəyyən etsinlər, bütün hava hücumundan müdafiə və raketdən müdafiə qüvvələrini orada cəmləşdirsinlər, biz də “Oreşnik”lə ora zərbə endirək və nə baş verdiyini görək. Biz belə bir təcrübəyə hazırıq.
Bunu Putin bildirib.
Dövlət başçısı vurğulayıb ki, “Oreşnik” Amerikanın “Patriot” və “THAAD” hava hücumundan müdafiə sistemlərini əhəmiyyətli dərəcədə üstələyir.
Əli Babayev