Almaniyada işlənmiş 2021 Mercedes GLS krossoveri satışa çıxarılıb. Onlar bunun üçün 1,5 milyon avro istəyirlər, çünki onun sahibi ulduz futbolçu Erlinq Haalanddır.
SİA-nın məlumatına görə, satış elanı Autoscout24 saytında yer alıb.
Erlinq Haalandın Mercedes-AMG GLS63 modeli 1,5 milyon avro dəyərində qiymətləndirilib. Erlinq Haaland 2021-ci ildə Borussia Dortmund-da oynayarkən Mercedes GLS almaq qərarına gəlib. Seçim qiyməti təxminən 200.000 avro olan yüksək səviyyəli Mercedes-AMG GLS63-ə düşdü. Erlinq Haaland “Borussiya Dortmund”da oynayarkən “Mercedes” alıb
Erlinq Haalandın avtomobili ağ rəngə boyanıb, salonu isə dəri və karbon lifi ilə işlənib. Kapotun altında 612 at gücünə malik 4,0 litrlik tvin-turbo V8 var ki, bu da 2,6 tonluq avtomobilə 4,2 saniyəyə 100 km/saat sürətlənməyə və 280 km/saat maksimal sürətə çatmağa imkan verir.
Erlinq Haalandın Mercedesi yaxşı qorunub saxlanılıb, cəmi 17.707 km yol qət edib. Bu ilin aprel ayında avtomobil texniki baxışdan keçib. Qeyd edək ki, ulduz hücumçu artıq avtomobil kolleksiyası da toplayıb.
Onun qarajında Rolls Royce Cullinan, Range Rover Sport First Edition və Mercedes-AMG GLE 63 S var, ən bahalısı isə 2,5 milyon avroya eksklüziv Mercedes-AMG One superkarıdır.
Nazlı Almuradova