İtaliya A Seriyasında 16-cı tura yekun vurulub. SİA xəbər verir ki, son gündə bir oyun baş tutub. “İnter” səfərdə “Latsio”nu darmadağın edib - 0:6. Oyunda hesab 41-ci dəqiqədə açılıb. “İnter”in türkiyəli ulduzu Hakan Çalhanoğlu penaltidən fərqlənib. Digər qolları Federiko Dimarko, Nikolo Barella, Denzel Dumfries, Karlos Auqusto və Markus Tyuram vurub.
Qeyd edək ki, A Seriyasının turnir cədvəlində “İnter” 34 xalla 3-cü yerdədir. “Latsio” isə 31 xalla 5-ci yerdə qərarlaşıb.