Bakıda keçirilən bədii gimnastika üzrə "Qış nağılı" beynəlxalq turnirinə yekun vurulub.
SİA xəbər verir ki, Milli Gimnastika Arenasında təşkil olunan yarışda 2009-2018-ci il təvəllüdlü gimnastlar ayrı-ayrı alətlərdə qüvvələrini sınayıblar. Turnirdə xarici ölkələrdən bədii gimnastlar da bacarıqlarını nümayiş etdiriblər.
Son yarış günündə ilk olaraq 2012, 2013, daha sonra isə 2009, 2010, 2011, 2014 və 2015-ci ildə anadan olmuş idmançılar arasında qaliblər müəyyənləşib. Yer tutanlara medal, diplom və hədiyyələr təqdim edilib.
Qeyd edək ki, iki gün davam edən turnir, həmçinin gələn ildən qüvvəyə minəcək yeni yarış qaydalarını mənimsəmək məqsədi daşıyıb.