"Bu gün Bakıda təhsildə II Təhsil Menecerləri Forumu üçün buradayam. Türkiyənin təhsil təcrübələrindən bəhs etmək üçün çalışacam". SİA xəbər verir ki, bu sözləri professor İrfan Ərdoğan II Təhsil Menecerləri Forumunda deyib.
O bildirib ki, mənim üçün burada olmaq çox həyəcanvericidir: "İlk dəfədir ki, Bakıya gəlmişəm. Azərbaycanlı həmkarlarımdan da Azərbaycan təhsil sisteminə aid məlumatlar alıb öyrənmək istəyirəm. Burada öyrənəcəyim bilgiləri Türkiyədəki təhsil sisteminə tətbiq etmək imkanım olacaq. Bütün təhsil nümayəndələri, əməkdaşlarımla bir arada olmaq mənim üçün qürurvericidir".