Azərbaycan Dövlət Aqrar Universiteti ilə (ADAU) Türkiyənin Ege Universiteti arasında həyata keçirilən beynəlxalq ikili diplom proqramı çərçivəsində Türkiyənin İzmir şəhərində yerləşən Ege Universitetində təhsil alan ADAU-nun IV kurs tələbələri Ümummilli Lider Heydər Əliyevin anım günü ilə əlaqədar İzmir şəhərində Heydər Əliyev Parkını ziyarət ediblər. SİA xəbər verir ki, tələbələr parkdakı Heydər Əliyev abidəsi önünə gül dəstələri qoyub, Ulu Öndərin əziz xatirəsini dərin ehtiramla anıblar.
Çıxış edən Ege Universitetinin Kənd təsərrüfati fakültəsinin dekan müavini Gülsüm Öztürk, Tarla bitkiləri kafedrasının müdiri Behçet Kır və İkili Diplom Proqramının tələbələri Əli Məmmədov və Süleyman Süleymanov Heydər Əliyevin uzaqgörən siyasətinin Azərbaycan-Türkiyə münasibətlərindəki müstəsna rolundan danışıblar.