ABŞ Dövlət katibi Antoni Blinken Bayden administrasiyasının ABŞ qoşunlarını Əfqanıstandan çıxarmasından 3 il sonra bu qərarla bağlı Nümayəndələr Palatasının Xarici Əlaqələr Komitəsi qarşısında ifadə verib. SİA-nın məlumatına görə, dinləmələr həmçinin Nümayəndələr Palatasındakı Respublikaçılar Partiyasının nümayəndələrinin qoşunların çıxarılmasının 13 hərbçinin və ABŞ-ın təxminən 100 min tərəfdaşının ölümünə səbəb olmasına dair hesabat açıqladıqdan bir neçə ay sonra baş tutub.
Dinləmələr bir neçə ay əvvələ planlaşdırılsa da Blinkenin Nyu-Yorkda Birləşmiş Millətlər Təşkilatının Baş Assambleyasında iştirak etməsini əsas gətirməsi və digər səbəblər bunu təxirə salıb. Vəzifəsinin son günlərində o, Respublikaçıların rəhbərlik etdiyi Nümayəndələr Palatasının Xarici Əlaqələr Komitəsi qarşısında ifadə verərkən sərt suallar və tənqidlərlə üzləşib. O, eyni zamanda Əfqanıstanın ABŞ-la müttəfiq hökumətinin qəfil dağılmasının və ardınca amerikalıların evakuasiyasının günahının böyük hissəsinin Prezident Trampın vəzifədən getməzdən əvvəl 2020-ci ildə “Taliban”la əldə etdiyi geri çəkilmə razılaşması ilə bağlı olduğunu bildirib.