Ağdərə rayonunda ölümlə nəticələnən ağır yol-nəqliyyat hadisəsində ölən və yaralananların adları məlum olub.
SİA yerli mənbələrə istinadən xəbər verir ki, Tərtər şəhər sakini, 1992-ci il təvəllüdlü Zülfüqarlı İlkin Qurban oğlu idarəetməni itirərək “Nissan” markalı avtomobili aşırıb. Hadisə nəticəsində sürücü xəsarət alıb, sərnişinlər - Tərtər şəhər sakinləri 1999-cu il təvəllüdlü Kərimov Asif Rafiq oğlu, 1987-ci il təvəllüdlü Həsənov Mütalib Telman oğlu, 1998-ci il təvəllüdlü Məmmədov Samir Mədət oğlu və 1975-ci il təvəllüdlü Alxanov Sərdar İmran oğlu ölüb.
Faktla bağlı araşdırma aparılır.
21:27
Ağdərə-Kəlbəcər yolunda ölümlə nəticələnən ağır yol-nəqliyyat hadisəsi baş verib.
SİA yerli mənbələrə istinadən xəbər verir ki, “Pikap” markalı avtomobilin aşması nəticəsində 4 nəfərin öldüyü, 1 nəfərin yaralandığı bildirilir. Yaralı Bərdə Rayon Mərkəzi Xəstəxanasına çatdırılıb.
Faktla bağlı araşdırma aparılır.