...Pozuntulara görə Avropa Parlamenti Gürcüstanda keçirilən parlament seçkilərinin nəticələrini tanımayıb.
SİA xarici qaynaqlara istinadən xəbər verir ki, bu barədə Avropa Parlamentinin mətbuat xidməti məlumat yayıb.
Qeyd olunur ki, cümə axşamı, noyabrın 28-də Avropa Parlamenti Avropa İttifaqına namizəd ölkə olan Gürcüstanda keçirilən parlament seçkilərini nə azad, nə də ədalətli keçirilmədiyinə görə pisləyən qətnamə qəbul edib.
...Avropa Parlamenti deputatları çoxsaylı və ciddi seçki pozuntularını, o cümlədən seçicilərin hədələnməsi, səslərin manipulyasiyası, seçki müşahidəçilərinə və mediaya müdaxilə, elektron səsvermə maşınlarının manipulyasiyası ilə bağlı məlumatların sənədləşdirilmiş hallarını pisləyir.
Bu, bəyanatda deyilir.
...Avropa Parlamenti qeyd edir ki, səsvermənin nəticələri “gürcü xalqının iradəsinin etibarlı əksi deyil” və nəticədə parlament seçkilərinin hər hansı tanınmasını rədd edir.
Avropa Parlamentinin deputatları seçkilərin yaxın beynəlxalq nəzarət və müstəqil seçki administrasiyası altında bir il ərzində təkrarlanmasını istəyir.
Parlament həmçinin Rusiyanın dezinformasiya yolu ilə Gürcüstandakı demokratik proseslərə sistemli müdaxiləsini qətiyyətlə pisləyir. Avropa Parlamentinin üzvləri Gürcüstan hakimiyyətinə ciddi şəkildə xəbərdarlıq edirlər ki, qanuni şəkildə yaradılmış siyasi partiyaları qadağan etmək cəhdləri ölkəni Avropa İttifaqından daha da uzaqlaşdıracaq və Avropa İttifaqına üzvlük istiqamətində istənilən addımı qeyri-mümkün edəcək.
Onlar da deyirlər ki, “Gürcü arzusu” siyasəti Gürcüstanın Avroatlantik inteqrasiyası ilə bir araya sığmır.
Əli Babayev