“Mançester Siti”nin baş məşqçisi Pep Qvardiola özünə xəsarət yetirib. SİA xəbər verir ki, UEFA Çempionlar Liqasının 5-ci turu çərçivəsində keçirilən “Mançester Siti” – “Feyenoord” qarşılaşmasından sonra onun üzündə və başındakı cırmaq izləri diqqət çəkib. Zədələrlə bağlı jurnalistin “Yaralarınız var. Nə olub?” sualına Qvardiola gülərək belə cavab verib: “Dırnaqlarımla cırmışam. Özümə zərər vermək istəyirəm”.
Xatırladaq ki, 6 qolun vurulduğu görüşdə 3-3 hesablı heç-heçə qeydə alınıb. Onu da bildirək ki, bu qarşılaşmayadək “Mançester Siti” bütün yarışlarda beş oyun ardıcıl məğlubiyyətə uğrayıb.