...Britaniyalı müğənni Elton Con sağ gözünün görmə qabiliyyətini itirdikdən sonra oxuya bilmədiyini deyib.
SİA-nın əldə etdiyi məlumata görə, bu barədə 77 yaşlı sənətçi “Good Morning America” verilişində danışıb.
O, iyul ayında Fransanın cənubunda tətildə olarkən keçirdiyi infeksiyaya görə sağ gözünün görmə qabiliyyətini itirdiyini təsdiqləyib.
...Məni yıxdı, heç nə görmürəm. Heç nə oxuya bilmirəm, heç nəyə baxa bilmirəm, - deyə müğənni bildirib.
Bundan əlavə, Elton Conun görmə qabiliyyəti ona yeni albom üzərində işləməyə imkan vermir.
...Hər şeyin yaxşı olacağına ümid və inam var, amma hazırda bir az ilişib qalmışam. Studiyada səs yazıb-yazmayacağımı bilmirəm, deyən sənətçi sol gözü zəif görməyə başladığı üçün mahnıların sözlərini ayırd edə bilmədiyini də bildirib.
Xatırladaq ki, sentyabr ayında Elton Con bir gözünün kor olduğunu açıqlamışdı. O, yavaş-yavaş sağaldığını da əlavə etmişdi.
Görmənin təsirlənmiş gözə qayıtması üçün bir müddət keçəcəyi qeyd edilib.
Nazlı Almuradova