...Sankt-Peterburqun "Qorkovskaya" metro stansiyasında uşaq dünyaya gəlib.
SİA rus saytlarına istinadən xəbər verir ki, bu barədə şəhər metropoliteninin mətbuat xidməti məlumat yayıb.
Onlar bildiriblər ki, sərnişinlərdən biri qatarda olarkən doğuş sancısı alıb. Platformada sancılar güclənib.
Metro işçiləri həkimləri çağırsalar da, həkimlər ora çatarkən növbətçilərə ilkin tibbi yardım göstərilməli olub. Nəticədə düz stansiyada oğlan uşağı dünyaya gəlib.
...Bu, inanılmaz idi! Hamımız şokda idik, amma qadına dəstək olmağa çalışdıq.
Bunu metro növbətçisi olan Yevgeniya Bordaçeva bildirib.
Ana və körpə həkimlərə təhvil verilib. Hər ikisi özünü yaxşı hiss edir.
Qeyd edək ki, bu, Sankt-Peterburq metrosunun bütün tarixində metroda ikinci doğumdur.
Birincisi 2018-ci ildə Texnoloji İnstitutun stansiyasında baş verib.
Nazlı Almuradova