Azərbaycanın qonaqpərvərliyi olduqca təsiredici idi. Fikirlərimizi bölüşmək, müzakirələr aparmaq və ehtiyaclarımızı bildirmək üçün belə möhtəşəm tədbirdə iştirak etmək qürurvericidir.
SİA yerli mənbələrə istinadən xəbər verir ki, bu sözləri müsahibəsində COP29-un Belizdən olan iştirakçısı, iqlim dəyişikliyi üzrə baş mütəxəssis Edalmi Belinda Pinelo deyib.
O əlavə edib: “Prioritetlərimizdən biri iqlim maliyyəsidir. Bizim insanlar tez-tez təkrarlanan tropik fırtınalardan əziyyət çəkirlər. Bu iqlim hadisələri olduqca böyük fəsadlara səbəb olur. Belə şərtlərdə uyğunlaşmağa çalışan insanların maliyyə dəstəyinə ehtiyacları vardır”.