“Daha müasir isitmə sistemlərinə keçmək lazımdır”. SİA xəbər verir ki, bunu maliyyə naziri Samir Şərifov Milli Məclisin Gənclər və idman, İctimai birliklər və dini qurumlar, Mədəniyyət komitələrinin birgə iclasında 2025-ci ilin büdcə müzakirələri zamanı deyib.
“Son illərdə ildə 13 faizə qədər xərc artımına getmişik. Əsas gücümüzü qeyri-neft sektorunun üzərinə qoymuşuq. Sevindirici haldır, bu sahədən gələn gəlirlərimiz artır. Ona görə çalışmalıyıq ki, tarazlığı kəskin surətdə pozmayaq. “Azəristiliktəchizat”a dövlət büdcəsindən ildə 46 milyon manat vəsait ayrılır. Bu vəsait ona görə ayrılır ki, “Azəristiliktəchizat”ın əhalidən yığdığı tarif faktiki xərclərdən xeyli aşağıdır. Burada böyük zərər əmələ gəlir. Qazanxanaların səmərəliliyi olduqca aşağıdır. Ona görə daha müasir isitmə metodlarına keçmək lazımdır. Bununla bağlı təkliflər var və hazırda işlənilir”, - deyə nazir bildirib.