Tanzaniyanın ən böyük şəhəri Dar əs-Salamın mərkəzindəki Kariaku rayonunda yerləşən bazarda bina çöküb. SİA xəbər verir ki, xilasedicilər binanın dağıntıları altından 13 nəfərin meyitini çıxarıb. Azı 84 nəfər xəsarət alıb.
Çökmüş binanın zirzəmisində hələ də insanların olduğu bildirilir. Ölü və yaralı sayının arta biləcəyi istisna edilmir.
Qəzaya binanın yeraltı mərtəbələrinin genişləndirilməsi işlərinin səbəb olduğu ehtimal edilir.
Ölkə prezidenti çökmənin səbəblərinin müəyyən edilməsi barədə göstəriş verib.