ABŞ administrasiyasının Ukraynaya Rusiyada uzaqmənzilli Amerika silahlarından istifadə etmək icazəsi verdiyi açıqlanıb. SİA xarici KİV-ə istinadən xəbər verir ki, bildirilib ki, ABŞ administrasiyası Ukraynaya məhdud şəkildə Rusiya ərazisində uzaqmənzilli Amerika silahlarından istifadə etməyə icazə verib.
Amerikanın “Washington Post” qəzetinin ABŞ-ın iki yüksək rütbəli məmuruna əsaslanan xəbərinə görə, Co Bayden administrasiyası Ukrayna ilə bağlı yeni addım atıb. Buna uyğun olaraq, ABŞ administrasiyası Şimali Koreya əsgərləri Ukraynaya qarşı döyüşmək üçün Rusiyaya gətirildikdən sonra Kiyevə Rusiya ərazisində uzaqmənzilli Amerika silahlarından istifadə etmək icazəsi vermək qərarına gəlib.
Bu kontekstdə ABŞ Ukraynaya verdiyi uzaqmənzilli taktiki raket sistemlərinin Rusiya ərazisindəki qoşunlara qarşı məhdud istifadəsini təsdiqləyib. “Washington Post”a açıqlama verən rəsmilər siyasətdəki dəyişikliyə Ukraynaya qarşı döyüşmək üçün Rusiya tərəfindən Kursk bölgəsinə təxminən 10 min Şimali Koreya əsgərinin gətirilməsindən təsirləndiyini vurğulayıblar. Ukraynanın uzun müddətdir tələb etdiyi, lakin bu günə qədər ABŞ administrasiyasına yaşıl işıq yandırmadığı bu addım, seçkilərdə qalib gələn Donald Tramp gəlməmişdən əvvəl seçkilərdə məğlub olan Bayden administrasiyasının mühüm qərarı kimi qiymətləndirilir.
ABŞ-ın yeni seçilmiş prezidenti Tramp vəzifəyə başlayan kimi Rusiya-Ukrayna müharibəsini bitirmək üçün addımlar atacağını açıqlayıb və bu müharibənin daha da uzanmasını istəmədiyini bildirib.