...Stenford Universitetinin (ABŞ) mütəxəssisləri akkumulyatorun tutumunu bərpa etməyin ucuz yolunu tapıblar.
SİA-nın əldə etdiyi məlumata görə, araşdırma "Science" jurnalında dərc olunub.
Alimlər qeyd ediblər ki, litium-ion batareyaların ömrünü silikon anodlardan istifadə etməklə artırmaq olar. Tədqiqatçılar, həmçinin silikon əsaslı akkumulyatorlara kiçik elektrik impulslarının göndərilməsini nəzərdə tutan batareyaları bərpa etməyin bir yolunu kəşf etdilər.
Silikon anodlu batareyalar sıxlığı artırdı, lakin zaman keçdikcə silisiumun bir hissəsi parçalanmağa başlayır. Enerji saxlaya bilməyən silisium hissələrini bərpa etmək üçün mütəxəssislər onlara kiçik bir elektrik impulsu tətbiq etməyi təklif ediblər.
Məlum olub ki, silikon anoda nə qədər çox elektrik verilsə, batareyanın tutumu da bir o qədər bərpa olunub. Bununla belə, bu metodun öz məhdudiyyətləri vardı, çünki çox uzun bir prosedur elektrolitin deqradasiyasına səbəb oldu. Nəticədə Stanford alimləri müəyyən ediblər ki, 5 dəqiqə ərzində 4 voltluq elektrik enerjisi veriləndə köhnəlmiş akkumulyatorun tutumu 30 faiz artıb.
Oktyabrın ortalarında Amerikanın Aspen Aerogels korporasiyası akkumulyator yanğınlarını söndürməyə qadir olan aerogelin yaradılmasını elan edib. Materialdan elektromobillərin dartma batareyalarını gücləndirmək üçün istifadə olunmağa başlanıb.
Nazlı Almuradova