...İsveç alimləri müəyyən ediblər ki, qadınlar gündə cəmi 300 ml süd içməklə ürək və qan damarlarının sağlamlığını riskə atırlar.
SİA-nın əldə etdiyi məlumata görə, 100 min insanın iştirak etdiyi genişmiqyaslı tədqiqatın nəticələri BMC Medicine tərəfindən dərc edilib.
Məlum olub ki, südün saf formada həddindən artıq istehlakı ürək-damar xəstəliklərinin inkişaf riskini artırır. Və bu xüsusilə qadınlara aiddir. Kişilərdə ürək xəstəliyi ilə belə bir əlaqə tapılmayıb.
Gündə ən azı 300 ml içsəniz, südün zərəri təsir göstərir. İki stəkan süd ürəyin işemik xəstəliyi (xüsusilə kəskin miokard infarktı) üçün risk faktorunu 1,05-ə, dörd stəkan isə 1,21-ə yüksəldib.
Məlum olub ki, yağsız süd də oxşar təsirə malikdir. Alimlər bunu iki mühüm kardiometabolik zülal olan ACE2 və FGF21-in plazma konsentrasiyası ilə əlaqələndirirlər. Fermentasiya edilməmiş südün həddindən artıq istehlakı ilə ACE2 tərkibi artıb, FGF21 isə azalıb. Eyni zamanda, bütün süd həvəskarları həm də daha yüksək bədən kütləsi indeksinə malik olmaları ilə fərqləniblər və onların pəhrizində qırmızı ət də çox olub.
Telegram kanalında araşdırmanın nəticələrini şərh edən Moskva Dövlət Universitetinin klinikasının endokrinoloqu, tibb elmləri doktoru Zuxra Pavlova fermentləşdirilmiş süd məhsullarını içməyi və yeməyi tövsiyə edib. O, araşdırma zamanı kəsmik, qatıq sevənlərin ürək sağlamlığını pisləşdirmədiyini müşahidə edib.
Nazlı Almuradova