Kürdəmirdə 4 avtomobilin iştirakı ilə zəncirvarı qəza baş verib.
SİA yerli mənbələrə istinadən xəbər verir ki, hadisə axşam saatlarında şəhərin Vaqif küçəsində qeydə alınıb. İlkin məlumata görə, hərəkətdə olan dörd avtomobil eyni anda bir-biri ilə toqquşub.
Qəza zamanı avtomobillərə ciddi zərər dəyib. Xəsarət alan şəxslər Kürdəmir Rayon Mərkəzi Xəstəxanasına aparılıb.
Faktla bağlı araşdırma aparılır.