Son dövrlərdə radio kanalların sayının artması, yeni televiziya kanallarının yaranması müsbət tendensiyalardır. SİA xəbər verir ki, bu barədə Azərbaycan Respublikası Prezidentinin köməkçisi –Prezident Administrasiyasının Xarici siyasət məsələləri şöbəsinin müdiri Hikmət Hacıyev 6 noyabr - Azərbaycan Televiziyası və Radiosu Günü münasibətilə "X"də yazıb.
O, peşə bayramı münasibətilə televiziya və radio işçilərini təbrik edib.
H.Hacıyev xatırladıb ki, 1926-cı il noyabrın 6-da Azərbaycanda ilk dəfə radio verilişlərinin yayımına başlanılıb: "Bakı Televiziya Studiyası ilk dəfə 1956-cı il fevralın 14-də efirə çıxıb".