Boğazında onkoloji şiş aşkarlanan influenser Mehin Oktaylı (İkonmeh) bu gün əməliyyat olunacaq. SİA xəbər verir ki, bu barədə o, özü "instaqram" hesabında məlumat verib.
Əməliyyata hazırlanarkən görüntüsünü paylaşan bloger onun üçün dua edən hər kəsə təşəkkürünü bildirib: "Mənim üçün son 2 gündə dua edən hər kəsə təşəkkür edirəm. Son bir dua… Çünki saatlar sonra əməliyyata girirəm. Yaxşıyam, yaxşı olacağam. Hələ onları dərk etmədən bu söhbəti birdəfəlik bağlayacağıq deyə ümid edirəm. Mənfiliklərə son qoymaq - mənim işim. Buna da son verim, saatlar sonra gələcəyəm Allahın izniylə… Danışacağıq uzun-uzun, lakin istəyirəm ki, hər şey bitsin sonra”, - deyə Mehin bildirib.