Bakıda çoxmərtəbəli binada yanğın olub. SİA-ya Fövqəladə Hallar Nazirliyindən verilən məlumata görə, Bakı şəhərinin Binəqədi rayonunda çoxmərtəbəli yaşayış binasının 1-ci mərtəbəsində yerləşən ümumi sahəsi 1930 m² (1-ci mərtəbəsi 1100 m², zirzəmisi 830 m²) olan mağazanın zirzəmisində 20 m² sahədə məişət və taxta tullantıları yanıb. Zirzəmi və mağaza yanğından mühafizə olunub.
Yanğınsöndürənlər tərəfindən yanğın söndürülüb.