Tərtər rayonunun Seysulan kəndində naməlum şəhid kimi dəfn edilmiş Birinci Qarabağ müharibəsində itkin düşmüş hesab olunan Ramiz Mahmud oğlu Mahmudovun meyitinin qalıqları Zaqatala rayonunun Aşağı Tala kəndinə gətirilib. SİA-nın məlumatına görə, şəhidin nəşi kənddə ailəsinə təhvil verilib.
Hazırda kənddə şəhidlə vida mərasimi keçirilir.
Qeyd edək ki, Ramiz Mahmud oğlu Mahmudov 1975-ci il iyulun 11-də Zaqatala rayonunun Aşağı Tala kəndində anadan olub. O, 1994-cü il aprelin 26-da Tərtər rayonunun Seysulan kəndi istiqamətində itkin düşüb.
R.Mahmudov Ağaşı Tala kənd qəbiristanlığında dəfn olunacaq.