Dünən sosial şəbəkələrdə Elmi-Tədqiqat Travmatologiya və Ortopediya İnstitutunun təmirsiz olması barədə görüntülər yayılmışdı. Şikayətçi bildirib ki, xəstəxananın görkəmində sağlam bir şey yoxdur. Bu barədə SİA Elmi-Tədqiqat Travmatologiya və Ortopediya İnstitutuna sorğu ünvanlayıb.
Qurumdan verilən məlumata görə, Elmi-Tədqiqat Travmatologiya və Ortopediya İnstitutunun təmirə ehtiyacı olması barədə nazirlik məlumatlıdır: “Binanın daxilində əsaslı təmir işlərinin həyata keçirilməsi məqsədi ilə layihə-smeta sənədlərinin hazırlanması üçün artıq açıq tender elan edilib. Layihə-smeta sənədləri hazırlandıqdan dərhal sonra binanın ümumi əsaslı təmiri işləri həyata keçiriləcək”.
Ayşən Vəli