...Vladimir vilayətində məktəblərdə hicab qadağası qanunidir, çünki bu, Rusiya Konstitusiyasına, təhsil qanunvericiliyinə və Ali Məhkəmənin qərarına uyğundur.
SİA-nın əldə etdiyi məlumata görə, bunu regional hökumətin mətbuat xidməti Dövlət Dumasının deputatı, Çeçenistan rəhbəri Ramzan Kadırovun müttəfiqi Adam Delimxanovun tənqidinə belə cavab verib.
Vladimir vilayətinin hakimiyyəti xatırladıb ki, Ali Məhkəmə hicabla bağlı qərarını hələ 2013-cü ildə dərc edib.
Xatırladaq ki, Delimxanov bir müddət əvvəl bildirib ki, regionda hicab qadağası ölkənin dini etiqad azadlığını təmin edən əsas qanununun kobud şəkildə pozulmasıdır. Parlamentari deyib ki, onun fikrincə, bu cür tədbirlər dövlət qurumlarına inamsızlıq yarada, dindar ruslar arasında yadlaşma hissini artıra bilər.
Öz növbəsində, İnsan Hüquqları Şurasının üzvü Marina Əhmədova Şimali Qafqaz Müsəlmanları Koordinasiya Mərkəzinin Vladimir vilayətindəki məktəblərdə hicab qadağasını pisləyən müraciətinə münasibət bildirərək qeyd edib ki, öz mesajında mərkəz təkcə səmimi deyil, həm də öz sözləri ilə ziddiyyət təşkil edir.
Əli Babayev