Hindistanın Kerala əyalətində məbəddə festival zamanı atəşfəşanlıqların olduğu məkanda baş verən partlayış nəticəsində ən azı 150 nəfər xəsarət alıb. SİA xarici KİV-ə istinadən xəbər verir ki, partlayış səbəbi ilə başlayan yanğında alov ətrafa yayılarkən, səlahiyyətlilər hadisə nəticəsində ən az 150 nəfərin yaralandığını açıqlayıb.
Polis yaralıların yaxınlıqdakı xəstəxanalara aparıldığını, 10 nəfərin vəziyyətinin ağır olduğunu açıqlayıb. Polis hadisə ilə bağlı araşdırma başlatarkən, məbəd işçiləri nəzarətə alınıb. Yanğının atəşfəşanlıq nümayişindən sonra daxmaya atəşfəşanlığın düşməsi nəticəsində baş verdiyi təxmin edilir.