Avropa Parlamenti Gürcüstanda keçirilən parlament seçkilərini tənqid edib.
SİA-nın əldə etdiyi məlumata görə, bu barədə RİA Novosti AP press-relizinə istinadən xəbər verir.
İspaniya parlamentarisi Antonio Lopez-İsturiz Uayt seçkilər zamanı hökm sürən nifrət və hədə-qorxu mühitindən danışıb. O, iddia edir ki, Avropa Parlamentinin nümayəndə heyəti bir sıra seçki məntəqələrində qanun pozuntularının şahidi olub. Bundan əlavə, səsvermədən əvvəlki dövrdə anti-Qərb ritorikasından istifadə edildiyi iddia edilir.
Bu baxımdan deputat seçkilər zamanı qeydə alınan insidentlərin araşdırılmasının vacibliyini qeyd edib.
Seçki günü vəziyyət Gürcüstanda siyasi prosesləri ciddi şəkildə çətinləşdirəcək,-deyə o, yekunlaşdırıb.
…Gürcüstanda parlament seçkiləri şənbə günü, oktyabrın 26-da keçirilib. Gürcüstan Mərkəzi Seçki Komissiyasının məlumatına görə, hakim “Gürcü arzusu” partiyası qalib gəlib.
SİA-nın bir qədər əvvəl də xəbər verdiyi kimi, müxalifət lideri və ölkənin eks-prezidenti Mixail Saakaşvili səsvermənin nəticələrini tanımayıb və tərəfdarlarını “böyük etirazlar” təşkil etməyə çağırıb.
Əli Babayev