Azərbaycanın stolüstü tennisçiləri Latviyada beynəlxalq turnirinin qalibi olublar

26 Oktyabr 2024 13:51 (UTC+04:00)

Azərbaycanın stolüstü tennisçiləri Latviyanın paytaxtı Riqada keçirilən “Riga City Council’s Youth Cup” beynəlxalq turnirinin qalibi olublar. Azərbaycanın Stolüstü Tennis Federasiyasından SİA-ya verilən məlumata görə, Onur Quluzadə ilə Yağmur Məmmədli yarışda etimadı doğruldublar.

U-13 yaş dərəcəsində mübarizə aparan idmançılar bütün rəqiblərinə qalib gələrək baş mükafatı qazanıblar.

Qeyd edək ki, seçmə komandamız beynəlxalq yarışa 16 idmançı ilə qatılıb. Riqa sınaqlarına sabah yekun vurulacaq.