Ukrayna prezidenti Vladimir Zelenski Şimali Koreya hərbi birləşmələrinin Rusiyanın Kursk bölgəsində yerləşdiriləcəyi ilə bağlı kəşfiyyat məlumatı aldıqlarını bildirib. SİA xarici KİV-ə istinadən xəbər verir ki, Ukrayna prezidenti Vladimir Zelenski Ukrayna Silahlı Qüvvələrinin Ali Baş Komandanı Aleksandr Sırskidən hazırkı vəziyyətlə bağlı məruzə aldığını bildirib.
Dövlət başçısı hesabat çərçivəsində Şimali Koreya qoşunlarının Rusiyanın Kursk bölgəsinə yerləşdiriləcəyi ilə bağlı xəbər aldığını bildirib. Zelenski açıqlamasında deyib: “Kəşfiyyat məlumatlarına görə, ilk Şimali Koreya əsgərlərinin oktyabrın 27-28-də Rusiya tərəfindən döyüş bölgələrinə göndəriləcəyi gözlənilir. Bu, Rusiyanın açıq-aşkar eskalasiyasıdır və bu günlərdə Kazanda geniş yayılan bütün dezinformasiyaların əksinə olaraq vacibdir”.
Ukrayna Müdafiə Nazirliyinin Kəşfiyyat Baş İdarəsindən verilən açıqlamada Şimali Koreyadan Rusiyaya 500 zabit və üç general olmaqla təxminən 12 min əsgərin göndərildiyi bildirilib.