Ukraynaya qarşı müharibə son nəticədə kompromislə başa çatacaq, lakin Qərb ölkələri danışıqlarda mövqeyini gücləndirmək üçün Kiyevi dəstəkləməyə davam etməlidir.
SİA-nın əldə etdiyi məlumata görə, bunu Böyük Britaniyanın keçmiş baş naziri Toni Bleyr (1997-2007) London Standard-a müsahibəsində deyib.
...Biz Ukraynaya əlimizdən gələn hər cür köməyi verməliyik ki, onlar müharibənin dayandırılması, Rusiyanın təcavüzünə rəvac verməyən son danışıqlar apara bilsinlər. Ona görə də biz qəti şəkildə ukraynalıların tərəfində olmalıyıq. Bu barədə heç bir şübhə olmamalıdır. Amma biz həqiqətən də bu münaqişəyə son qoymağa razı olmalıyıq və bu, Birinci və İkinci Dünya Müharibəsi kimi bitməyəcək. Bu belə olmayacaq. Sonda kompromis olacaq, -deyə Bleyer bildirib.
O, həmçinin hesab edir ki, hazırkı münaqişənin “XX əsrin əvvəllərinin əks-sədaları” var, çünki bu, Rusiyaya “bir növ imperiya rəhbərliyini” bərpa etməyə imkan verib.
Əli Babayev