“Bakı Metropoliteni” QSC 35 yeni vaqonlarla təchiz ediləcək. Bundan başqa, aviasiya parkının 30-dan çox müasir təyyarə ilə yenilənməsi görülən işlərin təzahürüdür. SİA xəbər verir ki, bunu rəqəmsal inkişaf və nəqliyyat nazirinin müavini Elmin Məmmədov “Gələcək üçün dayanıqlı nəqliyyat” tədbirində çıxışı zamanı deyib.
Nazir müavinin sözlərinə görə, yaxın illərdə Azərbaycanın dəniz donanması 20-yə yaxın gəmi ilə yenilənəcək.