Rusiya Çinə bir məhsulun tədarükünü 10 dəfə artırdı
2024-cü ilin əvvəlindən Rusiyadan Çinə xırda və iri heyvandarlıq əlavə məhsullarının ixracı 10 dəfə artıb.
SİA-nın əldə etdiyi məlumata görə, “İnterfaks” bu barədə “VetIS” və “Argus-Fito” informasiya sistemlərinin məlumatlarına istinadən xəbər verir.
Doqquz ay ərzində Rusiyadan ət məhsullarının tədarükü 487,2 min tondan 563,4 min tona qədər artıb (illik ifadədə üstəgəl 15,6 faiz). Ət və quşçuluq əlavə məhsullarının ixracı 238,4 min tondan 264,2 min tona yüksəlib. Əsas alıcı 107,6 min ton nəticə ilə Çin, tərəfdaşlar arasında ikinci yeri Səudiyyə Ərəbistanı tutub (50,2 min ton).
Eyni zamanda donuz əti tədarükü 20,8 faiz artaraq 120,9 min tondan 146,1 min tona yüksəlib.
Satınalmada liderlər Belarus (63,3 min ton), Vyetnam (29 min ton) və Çin (17 min ton) olub.
Xırda və iribuynuzlu heyvanların və donuzların içalatlarının xaricə daşınması 1,4 dəfə artaraq 34,2 min tondan 47,1 min tona çatıb. Bu növ mallar ən çox Vyetnama (28,7 min ton) və Çinə (12,9 min ton) tədarük edilib.
… The Economist jurnalı, Trampın yenidən seçiləcəyi təqdirdə baş verəcək ABŞ ilə ticarət əlaqələrində mümkün pisləşmə halında Çinin bir sıra malların alışını artırdığını bildirib. 2023-cü ildə Çin normal səviyyələri 16 faiz keçərək əsas resursların idxalı üzrə rekorda imza atıb. 2024-cü ildə idxalın həcmi daha altı faiz artıb. Nəşrin məlumatına görə, Pekin üçün ən çox asılı olan mallar enerji resursları, minerallar (boksit və kobalt) və qidadır.
Əli Babayev